-->

Dda yidir - Ait Menguellet 2005

Paroles : Dda Yidir - Artiste: AIT MENGUELLET - Album: Yenna-d Umɣaṛ(2005)

S usmendeg qerreb isufa
Times testufa
Awi-d kan ad timγur
Asγar s wurγu iḥulfa
Ur yezmir ara
Awexxer γelben-t leγrur
Yuγal d iγed mi-yekfa
Wwint γer lexla
Yes-s ara d-rebbin ttjur

-
A Dda Yidir
Nerra luḍa d agadir
Win igrarben nebγa a t-nezwir
Tismin-nneγ di twaγit

A Dda Yidir
Nettuγal kan γer deffir
Ayen ilhan ur d as-nezmir
Ayen i γ-ihudden nḥemmel-it 
-
A Dda εemmaṛ
Rray nneγ d axeṣṣaṛ
Yessekcem-aγ di yir lγaṛ
Asmi d-neffeγ dγa nettu

γas ma nextaṛ

Nḥeṣṣel di yir lğaṛ
Nettnadi wi ara d-yerren ttaṛ
Mi t-id-yerra ad-nerfu

Ayen i nextaṛ

Yettuγal-aγ d amesmaṛ
I d-nettaf ddaw uḍaṛ
γas akken nugi an-necfu 
-
A Dda Ḥemmu
Acuγer nugi ad-neḥlu
Ur nekrif ur nleḥḥu
Ruḥent-aγ tirga mxalfa

I deεwessu

Lğil γer lğil yettrağu
Ar ass-a tugi a γ-tettu
D iman-is deg-neγ tufa

Yelha wusu

Nessa-as la s-nesbuḥru
Tečča-aγ tugi ad terwu
Teffud seg-neγ teswa 
-
A Dda εacuṛ
Nettmettat ur d-aγ-teččuṛ
Nefka lemqud i leγruṛ
Win d-yusan ḥseb ikellex-aγ

Ɛerqen lehduṛ

Win i nḥuder ad aγ-iḍuṛ
Seg wakken xerben lumuṛ
Yuγal ṣṣwab iεreq-aγ

Nedder s ẓẓuṛ

Asif yettawin ttjuṛ
Nqubel-it alami-yeqquṛ
Iḥmel-d yeγẓer yeddem-aγ 
-
A Dda Yusef
Asmi nγil nerbeḥ nufa-t
Tawriqt nneγ ziγ tfat
Zdat nneγ yeddem-itt waḍu

Wa yettmettat

Wa yettγellit di tafat
Ma yufa-d ugur yenfa-t
Yeggra-d ugujil yettru

Leḥsab nekfa-t

Ayen yelhan uḥric yečča-t
Nesεa tiγilt neγ snat
Ad nefreq kan daεwessu 

A Dda Qasi
γas neεya deg usteqsi
Acuγer tugi ad texsi
Times unebdu tḥemmel-aγ

Ur neẓri ansi

I d aγ-d-ibeddu yiγisi
Nettak-as lebγi i tγersi
Mi neddukel ard an-nennaγ

Tagmatt-nni

Fell-as kul yiwen ittweṣṣi
Neẓra-tt am-udeffel tefsi
Truḥ ur d-tezzi fell-aγ 
-
A Dda Meqqṛan
Ass-a yakk imdanen ḥman
Allaγen ḥseb-iten ḥfan
Leεqel yuγal d aγilif

ṣeffer-asen ddan

Ur ḥebbren ur steqsan
γas abrid ur d-asen-iban
Awi kan nher s asif

Nnbec-iten kan

Dreγlen γas ma walan
Ɛeẓgen i tidett i wumi i slan
Neḍmeε ad zuzfen lḥif 
-
A Dda εisa
Lehna asmi akken i d-testeqsa
Nuggad ur tt-nessin ara
Nerra-tt d taεdawt-nneγ

Neğhel nenwa

Ula d ccwal d lehna
Deg mi d-nlul deg-neγ yella
Nerba-t nuggad a γ-yeffeγ

Nesεa-t d ayla

S tismin i t-nrebba
Nerra-d fell-as tiwwura
Akken ad yidir gar-aneγ 

A Dda εali
Nemdel tawwurt mi d-telli
Wi ibγan ad aγ-yessali
An-nezwir deg-s a t-neγḍel

Si zik-nni

Lhem neçça-t d imekli
Tiγrit nečča-tt d imensi
Netturuẓu deg-neγ lefḥel

Amek akkenni

Wi ara ixedmen ur yelli
Yeqqim mebεid yettwali
Yettrağu zzher ad as-yeftel 

______________Taggara
.


Commentaires ()