-->

Awer timlilit - Zedek Mouloud 2019

MK PAROLES - Awer timlilit/ Zedek Mouloud


Ta tekfa, tayeḍ tebda
Tikwal trennu-d ta ɣer ta
Lecɣal miyya, lmulud yiwen
Imi d-iyi tugi luḍa
Ur wer din tunnḍa
Ay akʷessar d usawen
Tuqqna tuffra tarewla
Ttif-iyi akka
Wala affug d yeḥwawen

Akka kan ay d tifrat
D acu ara d-yeg w'ur nezmir
Tirrugza-k beddl-as tasweɛt
Ad terwuḍ tid n wenyir
A ten-tjebbdeḍ ɣer zdat
A k-ttarran ɣer deffir
D tikli timendeffirt
Awer timlilit

Wid-en yugi wayen ilhan
Qqaren i uɣeddu qaqqa
Wid yenwan andakka llan
Nitni ur llin ara
Wid-en yeṛjan ayen ččan
A t-afen kan di tirga
Yid-sen ula di targit
Awer timlilit

Wid-en tɣunza lehna
Ula d isem ur d as-t-fkan
D taɣennant aked nnmara
D nnḥas umu gan amkan
Wid-en ittzuxxun s trugza
Nitni deg yergazen ay rẓan
Wid-en ifeṛṛḥen di twaɣit
Awer timlilit

Wid-en iqqaren d at tlelli
Nitni zgan ddaw uzaglu
Ɣilen ifen medden irkʷelli
G iman-nsen d aɣuṛṛu
Wi qqaren aḥḥeq nekkini
Sif ay aɣarbal-inu
Fkiɣ-t i wi bɣan yawit
Awer timlilit

Wid yetthuddun ayla-nsen
Ssalayen g wayla n wiyiḍ
Ttarran-t amzun nnsen
Niɣ ay amezruy telliḍ
Ttif ass-nni ijenṭaḍen
Am akken ay if ur k-neṭṭiḍ
Gma am (w)agi iwumit
Awer timlilit

Wid-en yettekkan di lleɛb
Di leḥsab ur ttekkan
Wid-en yelsan ajellab
Nitni a teddun ɛeryan
Wid-en umu yexḍa ṣṣwab
A teddun gʷ ayen ur ẓran
Bɣan laxert di ddunit
Awer timlilit

Wid-en ur nesɛ(i) ara gʷ ul
Amek a tergagi tasa
Di lḥif i ten-tesdukul
Ttmyeččan di littaɛ
Wid-nni yekkaten aɣyul
Ddarayen tabarda
Makken d errkba acekit
Awer timlilit

Wid-en ɣer teshel tatut
D tucḍa kan n tegmat (u)mu cfan
Ttganin tacuyt d tseksutt
Nekṛen tagulla mi ṛwan
Wid-en iḥeqren tameṭṭut
Nitni fell-as myenɣan
Tiɣratin ṭṭbel tislit
Awer timlilit

Zik nettemlili-d ɣer ṣṣaḥ
D tin ay ɣ-isdukulen
Nettawi-tt-id am leslaḥ
Nessergagay iɛdawen
Tura nettemlili-d ɣer ccḍaḥ
Attan din a muḥ weḥsen
Win ur tɣaḍ teqbaylit
Awer timlilit

-
Taggara
-
Commentaires ()