-->

Ini-d ay amɣaṛ - Ait Menguellet 2005


Paroles : Ini-d ay amɣaṛ - Artiste: AIT MENGUELLET - Album: Yenna-d Umɣaṛ (2005)

Acimi tesleb ddunit
ttwab iɣelb-it leɣlaḍ
anida tḥebs twaɣit
ma neqqen irgazen wiyaḍ

ay ibeddel ula d igenni
nnan-t-id wid iceffun 
ay amɣar ad-k-d-nesteqsi 
dacu akka ad yettnulfun?
 _

Nettwali zman kra i gebna 
ihud ur d yegri lataṛ
Newweḍ almi llan yelha
nnan-aɣ-d ǧǧet-tt yexṣer

Ivan-d lɛib yeflali 
di leqdeṛ ad as rennun
ay amɣaṛ ad-k-nesteqsi
dacu akka ad yettnulfun?
 _

Lḥeq yellan zik iṛuḥ
lbaṭel yezdeɣ amkan-is
wis ma yegrad deg-s rruḥ
neɣ yeqqima-ɣ-d ala isem-is

lḥeq amek ara yili
ma ḥekmen-aɣ wid it yettun
ay amɣaṛ ad-k-nesteqsi
dacu akka ad yettnulfun?

 _

I umeɣbun ad yeččektin 
amek ara iqabel ddunit
win yesɛan ur tettwalin
mkul yiwen zhu-s yewwi-t

wi fehmen la yettwali
yeswehem-it kra id iḍeṛṛun
ay amɣaṛ ad-k-nesteqsi
dacu akka ad yettnulfun?

_

Tayri nneɣ iḥuza-tt zman
lbenna nni n zik temmut
tekkes-aɣ-tt zyada n wurfan
ula d avrid-is nettut

Ass-a mi is nefhem tikli 
nuɣal seg wid yettargun
ay amɣaṛ ad-k-nesteqsi
dacu akka ad yettnulfun?

_

Teǧǧay-aɣ tezmert-nni
yis ara n beddel lecɣal
win mezziyen yettwali
amzun ur yefhim timsal

yettak azal n tmuɣli 
i widak it yettɣuṛṛun
ay amɣaṛ ad-k-nesteqsi
dacu akka ad yettnulfun?

_

Kul ma nessired nnan-as
kul ma ad tas lehna ad nenna-ɣ
amek ara d-aked iḥesses 
win tḥuza tarda n wallaɣ

yezga-d mebɛid yettwali 
yettamen wid it yettɣunfun
ay amɣaṛ ad-k-nesteqsi
dacu akka ad yettnulfun?

_____________________Taggara
.
Commentaires ()