-->

Ifukk Uṣeṛvek - Zedek Mouloud 2019

 

MK Paroles - Titre: Ifukk Uṣeṛvek - Album: Neɣ ḍelmeɣ! - Chanteur: Zedek Mouloud - Année: 2019


Teqqleḍ d lɣerva a tamurt 
Wamma kečč ay axxam yexlan 
Temsusam akk yemmut ssut 
Ttemcakkateɣ deg wayen yellan 
Ifuk uservek n tewwurt
Ay itviren ɣef ifeṣlan 

Yeḍḥa-d nuggad ma neqqim 
Am wakken nuggad ma yella nruḥ
S ddel i aɣ-d-ivan ulqim 
Aqezzev yegguni rruḥ
Di lɣerḍ i d-nezga i uḥkim
Win nḥemmel ur d aɣ-icuḥ
Nektal, neḥsev nettxemim
Ayen akken i s-nexdem tfuḥ

Ma tewweḍ a medden s awren 
A win izemren ad yečč leḥcic
A tuggict m yiwedcen 
Fukkent tmucuha ay aqcic
Ad nehmel s anda niḍen 
Ahat ad aɣ-d-ivan uḥric
Xas akka ɛyan yifadden 
Ay akken i aɣ-d-tesveḥ maɛlic

Zṛiɣ awal ad yenɣel 
Zṛiɣ rregmat d asmiri
Yiwen d tuffɣa n leɛqel 
Yiwen ahat d aɣiḍi
Yiwen ad as-d-ivan nerwel 
Yiwen teṣɛeb tannumi
Yiwen d ayen i yesɛa d ccɣel 
Meqqar yufa ara ad-yini

Acengu deg-i iɛuss 
Ma d adrar yegguni -iyi 
Gma deg-i yefka afus 
Yenwa axṣim d nekkini
Ɣef tuyat-iw aγernus 
Ma vriɣ-as ad yettwarki
Ma yella ɛemmdeɣ i wammus 
Tenger, tekfa dayenni 

Lɣella N tmes d iɣiɣden
Nekk ur as-ḥeddreɣ ara 
Ayla-w s wayla n medden 
Nekk ur t-ttveddileɣ ara
Mi revḥen yeqvayliyen 
Ad vennun di leǧwameɛ 
D acu ara d-yexdem yiwen 
Mi ara yilli vɣan ɛecṛa

Am uselmad am uɣervaz
Am wid akk din iqeddcen
ferḥen kksen-d syin laẓ 
Tamussni dayen nniḍen
Taɛrabt ur sen-teǧǧi lɛez
D imeḥvas deg wallaɣen 
Zṛan akk s ifri ay tettaẓ 
Nutni ttbibbin iqraben

Azref yeṛẓa-t lbaṭel
tidet ula ansi i d-teffeγ 
tagnit teṣεev i lefḥel 
win tufiḍ deg-s yemmeɣ
deg-s yeḥṣel vu laṣel 
tuɣal akk d amadaɣ
ur umineɣ ara ad tbeddel 
anda akken taɣdemt tettwaɣ

______________Taggara.
.
Commentaires ()