-->

Awi-d ukan - Zedek Mouloud 2019



MK Paroles - Titre: Awi-d ukan - Album: Neɣ ḍelmeɣ! - Chanteur: Zedek Mouloud - Année: 2019


Awi-d ukan ma tṣeggmeḍ 
Xas nekk yid-m: nemsevra 
Awi-d ukan ma tqeεdeḍ 
Xas kulci yid-m: yekfa 
Awi-d ukan ma tgerrzeḍ 
Xas tura ur cligeɣ ara 
Awi-d ukan ma tveddleḍ 
Xas nekk; ur umineɣ ara 

Ayen nniɣ D wayen i am-nniɣ 
Am wakken ur d-am-t-nniɣ 
Tessuεeẓgeḍ; ur tesliḍ 
Tura ula d nekk dayen εyiɣ 
Tessuεeẓgeḍ; ur tesliḍ 
Armi dayen deg-m εyiɣ 

Dayen ul-iw; seg-m yeffeɣ 
Xas mazal tettɣaḍeḍ-iyi 
Aṭas i kem-ṛǧiɣ; uyseɣ 
Veddleɣ avrid; dayenni 
Ḥṣu xas ad am-ferḥeɣ 
Di lferḥ-im; ulac-iyi 
Ur ssiɣṛiteɣ; ur ceṭṭḥeɣ 
I kem-id-yefnan d aɣenni 

Nekk ass-a; aqli anda-nniḍen 
Friɣ-tt akked yiman-iw 
Ay akken iyi-d-tusa akken 
Yelha neɣ yecmet; d ccɣel-iw 
Xas ma d avrid iḍulen 
Umneɣ tikli-w d uḍar-iw 
Cwiṭ, cwiṭ; akken, akken 
Alamma wḍeɣ ar levɣi-w 

Winna yeddren deg ukantu 
Iwεeṛ-as ad yesrifeg! 
Winna yennumen azaglu 
Mi ara as-yevru; acu ara yeg!? 
Win yumnen; kullec ikeffu 
Ad iṣeggem; xas yezleg! 
Win yeẓran lweṛd ifettu 
Ad t-yessew kan ad yeǧǧuǧeg 
Win yevɣan lweṛd ad yefsu 
Yessew-it kan ad yeǧǧuǧeg.

___________Taggara.
.
Commentaires ()